呢邊廂香港出現好多潮語，那邊廂嘅內地一樣潮語湧現，例如「囧」樣即係一個人皺起眉頭張開個嘴嘅無奈樣子，又或者「雷人」，即係話該事物有嚇親人、令人震驚嘅意思。日本水着妹伊唐美優就夠雷人兼且夠晒「蕾」。點解？等我為大家介紹一下喇。
男人要夠剛強至能夠令女仔感覺到有安全感，咁至可以取得佢哋嘅歡心，而女仔就要夠柔先可以得到男人個心，此柔者，係指性格要溫柔，最好仲要筋骨柔軟，點解呀？唔通係為咗可以喺床上玩更多花式？唔……呢個可以係原因之一，就算唔係為咗滿足呢種需要，可以好似伊唐美優咁表演軟體絕技娛樂一下，都係一件賞心樂事吖！今年25歲嘅美優，束起頭髮嘅時候表現出一派可愛萌味，放番把頭髮落嚟又可以展現出大姐姐韻味，不過點都好，兩者同樣能夠吸引男人嘅注目。除此之外，美優嘅胴體一樣極具吸睛能力。肌膚雪白幼滑，腰幼臀圓又飽滿，最正就係胸前嘅36F美巨乳分量十足，好似兩個剛剛出爐嘅奶黄包一樣，令人食指大動，正呀！
美優上年喺原宿被藝人事務所發掘，成功踏足藝能界。不過，美優其實係畀AV星探發掘在先，而且仲開出好吸引嘅條件利誘美優，但係阿妹不為所動，因為佢怕若然畀任職教師嘅父親知道，實行同佢脫離父女關係都有份。雖然，美優未做AV女優係我哋男人嘅損失，但係見到美優經常喺寫真DVD紮紮跳，對F奶係咁盪，相信亦可以為男士們止吓咳。另一方面，美優仲有好多雷人之處，就係身體異常柔軟喇！美優表示自己3歲就學習芭蕾舞，至現時亦有經常練習舞藝，所以筋骨極度柔軟，一字張腿、拱橋等高難度動作都難佢唔倒，認真夠「蕾」！亦憑住咁出色嘅演出，令美優人氣漸漸上升，有機會參加大型舞台劇《戰國降臨Girls》嘅演出，同時亦被邀請參加大型選拔活動「Miss Action 百人生存戰」，睇吓阿妹又有乜嘢雷人嘅演出。
伊唐美優成日都出街飲飲食食兼「濕平」，認真識得享受人生，想知道阿妹最近又去邊度歎世界，可以Click上佢個博客。
網址：http://ameblo.jp/ikara-miyo/
年齡：25歲
身高：5呎4吋
三圍：36F-24-35
撰文：賢