天生一副明星相，出嚟搵食唔多唔少都有啲着數，好似內地就有翻版四大天王，佢哋就係憑住個樣生得似天王，加上苦練一把好歌喉而獲邀四出登台喇。日本水着妹野田彩加，就係因為似人氣女星上戶彩而上位。
女仔豐滿嘅上圍冇錯係可以令萬千男士為之迷倒，不過胸大之餘最好仲要形狀美觀，美觀得嚟仲要具有高度可塑性，最重要仲係要富有彈性，邊個擁有如此嚴謹條件嘅美巨乳呢？唔使四圍搵，日本水着妹野田彩加咪有囉！彩加妹今年二十有五，樣子青春俏麗，同時帶幾分令人難以靠近嘅冷艷，但係每當佢對眼稍稍向鏡頭聚焦，卻又帶出極強挑逗感覺，惹得男人心癢癢。身材方面，彩加呢副絕對係無敵靚偈，身高5呎4吋嘅佢擁有34-23-34三圍，胸前嘅F-Cup美巨乳集堅挺與美觀於一身，無論阿妹做出夾胸、托胸或者俯身倒奶嘅動作，都凸顯出高度彈性。彩加曾經表示過最鍾意就係去健身院做運動，唔怪得個胸同整副胴體都咁健美啦！
野田彩加喺2008年膽粗粗咁參加Miss雜誌舉辦嘅「Miss FLASH」選美活動，由於阿妹佢又靚又好波，胴體苗條到嚇親人，所以成為準冠軍，即係第二名。到2011年，彩加因為形象活潑，加上喺第一代保齡球偶像選舉中獲勝。之後開始涉足電視台同電影，演出過嘅電影包括有《東京爆炸戰爭人工控制機械人女子高中生VS美少女人工控制機械人Athlete軍團》上下集，以及《2ch的詛咒Vol.1》。另外，彩田仲口齒伶俐，曾經獲邀擔任客席主持。不過，好多人就話，彩加之所以有機會彈起，全因佢個樣生得同人氣女星上戶彩相似，呢個說法一度令彩田唔多開心。唔知係咪因為咁，喺2012年頭，彩田突然作出短暫引退，到今年初至再次同大家見面，仲特登將頭髮留長少少，等自己唔再睇落去似上戶彩，實行重新出發。希望阿妹你可以努力發揮獨有魅力，闖出一番屬於自己嘅天地啦！
野田彩加透露近日患上感冒，幸好家陣已經漸漸好轉，想為彩加打氣嘅朋友，不妨上佢個博客留言鼓勵一番。
網址：http://ameblo.jp/ayaka-noda/
年齡：25歲
身高：5呎4吋
三圍：34F-23-34
撰文：賢