假如閣下鍾意玩性玩具，玩到達人級數，兼且想設計一件適合全球用家嘅產品揚名立萬，咁你一定要參加由成人用品網站Lovehoney一年一度舉辦嘅情趣用品設計比賽「Design a Sex Toy Competition」喇！由2009年開始，今年已經係第5屆，當中最為人熟悉嘅得獎產品就係「摩打脷」，家陣求其登入任何一個成人用品網站都會搵得到。「摩打脷」由愛爾蘭人Trevor Murphy設計而成，佢本來係打工仔一名，單憑呢件產品嘅分紅，已經賺取到150,000美元，約117萬港元，家陣佢唔使撈，仲移居加拿大添！至於今次嘅設計比賽同以往一樣，男女都可以報名參加，截止日期至9月16日，參加者將設計圖上載即可，咁你仲等乜呀！