近年零舍多脫星失驚無神走去唱歌，究竟係潮流興，定係啲囡囡堅係咁唱得呢？最近又有件惹火法國脫星Laly Vallade搖身成為歌手出唱片，碟名《You and I》，家陣喺法國及波蘭有售。本來阿妹喺音樂界冇乜人識，不過早前佢為一位被音樂雜誌評為2013年全球Top 100 DJ之一嘅DJ Bob Sinclar擔任MV女主角，雖然阿妹喺MV內粒聲都冇出過，但係佢同DJ Bob喺桑拿房內你(目及)我、我又(目及)你，阿妹仲以濕身比堅尼上陣，極度誘人，上載YouTube唔夠一星期，瀏覽人次高達480,000，因而令Laly人氣急升，連帶佢張唱片大賣，呢鋪阿妹有運行啦！