呢期日本AV界最備受大家談論嘅話題，一定係男優之王加藤鷹宣告引退嘅消息，除咗粉絲感到失落，同時業界人士亦相當擔心，皆因現正鬧男優荒，搞到各大片廠都好頭痕！
日本AV女優大部分都美艷動人，身材仲要火辣到暈，相信好多男士都希望可以一親香澤，甚至想成為AV男優，同佢哋上床搏鬥。然而，事實上做AV男優又係咪咁盞呢？小弟可以話畀大家知，AV男優嘅辛酸真係不足為外人道。
從好多群戲當中，大家可以見到一女鬥多男嘅情況，令人有錯覺以為日本AV男優嘅數量有好多，但實際上現時AV男優只得70個左右，至於女優人數則超過1萬個，按比例平均每名男優要招呼約142個女優。再以AV產量計算，每月日本出產約4,500部AV，每日推出150部，即係每名男優一日要拍兩部戲，間唔時一日執兩劑就話冇問題啫，若然日日如是，就算你有幾公升白汁都會乾晒塘啦！
既然男優人數咁少，需求又咁大，點解唔招攬更多新人呢？你估咁容易咩！要做一位AV男優，基本要求需要胯下長物勃起時達15厘米或以上，仲要一日能夠發射至少5次，而噴出嘅白汁要夠多兼且夠濃郁，最重要一點係要夠耐力，你話幾高難度吖，唔係個個男人都合資格囉！此外，做男優要公開畀全世界知道自己拍AV，呢一關亦唔係人人做得到。
小弟近年睇過咁多AV，亦有發現來來去去都係見到嗰幾個男優演出，仲有好多吹奏場面，男優嘅長物疑似用情趣道具取代，還有唔少作品嘅交歡場面都一反常態並非以發射作結，只係將男女優交歡嘅場面慢慢收暗完事，明顯就係為男優慳番幾滴白汁。另一方面，現時好多片廠都進行招募素人男優嚟救亡，明顯係男優不足嘅問題相當嚴重。
撰文：賢