你有睇過色情小說嘅，無可能唔識Rachel Kramer Bussel呢件「性女」係乜水！阿姐由06年開始寫鹹書，作品長據銷量榜十大，佢嘅粉絲男女都咁多，所以唔使細佬多作介紹喇！但阿姐今期好爆喎，由以往寫長篇小說改玩「短打」，即係散文，自稱花咗兩三個禮拜就推出呢本《Best Sex Writing 2013》，證明佢滿腦子都係性幻想囉！
咁本書講乜呢？阿姐親自解釋，寫性愛散文嘅目的志在等外界更加了解作者嘅情色世界，以及佢嘅性愛觀，而240頁散文就透過多個真實個案，包括醜女一嘗雙猛男不知如何處理、雙性戀者性別混淆及耆英疑惑，想知道呢件性女有乜獨特見解，呢本書點可以錯過呀！
撰文：祖