大家心中嘅宅女形象，一定係足不出戶，由朝到晚對住手機電腦，手上一包一包零食，房間亂七八糟，最重要就係樣子極之平凡。但凡事都有例外，好似今日介紹嘅安瑞甜，佢雖然符合以上條件，但卻係個炙手可熱嘅性感名模。
嚟自陝西西安嘅安瑞甜，名副其實係名宅女，原本無興趣入行，但2008年喺朋友極力游說下，參加咗西安車模大賽，畀佢奪得最佳魅力獎，由此膽粗粗入行。起初乜都唔識，所以都只係喺西安搵食，後嚟累積不少模特兒經驗之後，喺2010年參加咗個知名模特兒大賽，連奪最佳魅力同最佳表現獎，被更多人認識，輾轉便去到北京發展。阿妹當初出道時有幾分似黎姿，所以被網友稱為「小黎姿」。安瑞甜身材火辣，上圍有35吋，加上渾圓巨股，真係玲瓏浮凸，只要稍稍性感，已經噴血度極高！
經過幾年努力，安瑞甜已經成為炙手可熱嘅人氣偶像，但佢嘅花邊新聞並不多，原因佢除咗工作，就係返屋企做宅女，所以同父母嘅關係好好。其父母亦知阿女在外工作辛苦，只要佢一返屋企，就會百般呵護，乜都唔使做。安瑞甜閒來無事，真係可以對住手機電腦一整日，而零食食完一包又一包。近年安瑞甜亦開始喺影視圈發展，更擔任一套微電影嘅女主角，但佢話自己嘅演技尚待磨練，人靚女又識講嘢，抵你紅嘅！
簡介：安瑞甜係炙手可熱嘅性感模特兒，佢嘅照片當然多不勝數，而以下網站就收錄咗佢多輯噴血寫真，你睇過之後都會愛不釋手。
網址：www.moko.cc/ruta
出生地：陝西西安
三圍：35-26-35
身高：168cm
撰文：龍四海