英國有個年過半百嘅女士，已經有兩名二十出頭嘅子女，佢冇做任何整形手術，只需簡單化妝，容貌仍然能保持三十歲左右，有記者問呢位靚媽點解咁巴閉？佢話有三點好重要，第一係要筋軟，早晚都會做一陣瑜伽；第二就係要注意飲食，例如一見長胖、面有黑斑或者頭髮變粗糙等，佢都唔會搵醫生，而會找營養師幫忙；至於最重要第三點，就係保持每周做愛。佢話有質量嘅性交，能令自己身心都得到徹底改善。有網友話要有質量嘅性交，咁對手一定要有心有力至得，加上呢位女士外表咁年輕，要搵啲後生仔嚟完成任務完全冇難度，其實，咪同我哋啲採陽補陰嘅原理一樣？
撰文：小德
斷腳嗰種痛法真係只有試過嘅人至知有幾咁痛，而既然咁痛嘅話，咁隔籬張相內打晒石膏嘅斷腳女，點解仲會忍痛同男友曳曳呢？原來呢幅相其實係加拿大科學世界博物館，為咗宣傳最近的《性科學》博覽會而推出嘅海報，因此海報內容以一啲關於性愛嘅冷知識作為主題。據博物館發言人Jason Bosher解釋，佢哋只係想以輕鬆手法令大家認識一啲關於性嘅知識，而海報中嘅石膏女之所以曳曳，主要係想傳達高潮具有緩解痛楚嘅作用。事實上，喺以老鼠進行嘅實驗中，發現高潮會激發一種名為催產素嘅激素，可緩解疼痛約10分鐘，相當於每公斤體重注射10毫克嗎啡嘅止痛效果。
撰文：魂
如果有去過瑞士嘅蘇黎世旅行嘅話，會發現市中心區內設有紅燈區，由於妓女喺瑞士係合法關係，入夜後街上便流鶯處處。不過當地居民卻反映忍受唔到過多嘅性工作者喺街頭徘徊，於是有關方面早前喺西面郊區設立9個「性愛盒」（Sex-Boxes）。所謂性愛盒並非真係一個盒，而係專門為駕駛人士而設有蓋嘅間隔車位，喺每個性愛盒內設有緊急按鈕，以保護性工作者安全。及至目前為止已有50名合資格嘅性工作者喺度服務，只係大家要留意一點，就係車位只供單獨而嚟嘅車主，若然同車有兩個人或以上嘅話係唔會提供服務。至於性愛盒開放時間，則從晚上7點至上午5點為止，計落又真係幾方便喎！
撰文：魂
德國有勞動研究機構，早前公布嘅一項調查結果顯示，每星期平均做愛超過4次嘅打工仔，所得到嘅薪酬比少於4次嘅為高之餘，亦比較容易賺到大錢。機構嘅研究員Nick表示，調查係根據希臘7,500戶勞動階層家庭進行，年齡介乎26至50歲嘅人士。研究發現每星期做愛次數愈多嘅人，薪酬相對愈高。Nick認為經常做愛嘅人身心容易有幸福感，表現得較為自信及思想正面，自然容易得到主管肯定，從而反映喺佢哋嘅薪酬上。
撰文：魂