8月10日台灣舉行咗個別開生面嘅慈善跑步活動，當地首屆嘅「Undie Run」，呢個活動世界各地都有舉行，參加者全部都以內衣示人，藉活動推動各種公益捐款及公益目標。
今年台灣首次舉行「Undie Run」，目的為宣傳乳癌防治及為乳癌病友籌款，據報當日吸引咗兩百多人嚟參加跑步，當中有男有女，但同外國相關活動比較，參與人數只屬一般，可能係第一次關係，相信慢慢會愈嚟愈多人參與，佢哋主要在百貨公司林立的信義商圈路跑。而開跑儀式，就係齊齊將手中嘅鋼圈胸圍向天拋高，推廣無束縛的健康觀念，呼籲女性重視乳癌防治。
記得外國嘅相關活動，參與嘅囡囡大多數唔係半裸，就係只着內衣嚟跑，所以一有消息傳出台灣要搞呢個活動時，網絡界嘅宅男們已經搶先哄動，仲估計邊啲女神會出席，就一定去狂拍，但台灣今次嘅內衣跑，參加者只着上無鋼圈內衣，性感度當然大為遜色。但由於衣服較密實，反而吸引好多美少女參加，大大增加吸引力。
撰文：小德