一本台灣書叫《關起門來做快樂的事》，心諗會唔會係教年輕人歡度私人時光嘅指導書，點知打開一睇，發現係寫畀夫妻情侶，用嚟增添性趣嘅工具書，佢有一個好特別嘅地方，就係全書分五十二章節，心水清嘅朋友一睇就明白，一年有五十二個星期，作者就係想讀者每個星期都照住佢嘅招式嚟玩，咁成年都唔會重複，包保唔會悶親，佢教嘅除咗體位上嘅招式，仲教咗好多另類玩意。至於內容都寫得幾仔細吓，唔係都撐唔到五十二個細項咁多，當中不少都係老生常談，但亦有部分係作者嘅心血結晶，單睇文字都十分有趣味性，如果真係同愛侶照住嚟玩，效果應該不錯。