之前介紹過內地一個水上樂園，為咗刺激入場人數，搞咗個情侶接吻比賽，整個過程一啲美感都冇。早前意大利嘅某大水上樂園，搞咗個同樣嘅活動就有睇頭得多。為咗搞氣氛，佢哋設咗好多組別，例如長氣組就鬥長氣、花式組就鬥最多花式等。大家睇照片時不難發現，型男美女當然唔少得，就算有啲阿叔師奶參加，都唔會肉肉酸酸，但最值得學習嘅，就係所有參賽者嘅心態，冇一個人話係為咗攞獎品，最多嘅答案就係話要把自己嘅接吻功夫公諸於世，心態咁正面，內地嘅朋友真係要學吓！
撰文：小德