目前澳門只有三間戲院，但十幾廿年前，澳門呢個彈丸之地單係戲院都有十幾間，而當中位於水坑尾街嘅百老匯戲院。未講戲院前先介紹一下水坑尾街，單聽名字一定冇乜印象，但如果提起高可寧故居，咁大家一定有啲印象，家陣已被列為法定古蹟，開放畀遊人參觀。而喺附近就有間1953年建成嘅百老匯戲院，係澳門當時數一數二嘅大戲院，座位數目906個，除咗放電影仲有唔少文化節目喺度演出過，而近年興起3D電影，其實早喺八十年代就有，而澳門首部3D鹹片就係喺百老匯戲院放映，電影名字叫做《立體淫娃》，聽個名就知有料到。可惜隨住電影市道萎縮，百老匯戲院終於結業，臨結業前幾年，更淪為成人院線，家陣重建後成為商業大廈，但唔少老街坊經過，都會回味一下昔日點滴！