唔少裸模都稱自己細個時嘅夢想並非做模特兒，喺無心插柳嘅情況下先至入行，只係奇就奇在佢哋嘅夢想唔係裸模，卻唔係好見佢哋最後會為追夢而放棄現有工作。人氣裸模Anita Silver就講得出做得到，夢想成為鋼琴家嘅佢縱使成名，仍冇捨棄佢嘅音樂夢。
原名Anita Silver嘅俄羅斯裸模其實早喺2009年已經出道，只係佢當年並非以此名示人，反而更多用Anita C之名接拍寫真工作。據Anita指，當時仍然係學生嘅佢從未諗過會成為裸模，只係偶然一次機會下，見到當地有著名寫真網站搵人影裸體寫真，於是佢便毛遂自薦並成功獲得錄用，結果佢邊以學生身份，邊喺莫斯科從事裸模工作，直到2011年畢業為止，而Anita表示呢個時候，先至算係佢正式投身裸模界。唔少同Anita合作過嘅攝影師，都不約而同認為修讀音樂嘅佢，擁有其他俄國女性所冇嘅優雅氣質，而正正係呢種與別不同嘅味道，不但迷倒為佢拍寫真嘅攝影師，更吸引唔少男性粉絲。
人氣愈嚟愈高嘅Anita，從2011年到2012年中呢段期間內，可以話係佢裸模事業嘅高峰點，不但為不少人氣寫真網站拍攝火辣寫真，仲經常周遊列國開展模特兒嘅工作，甚至喺內衣展中表演佢最拿手嘅鋼琴。不過隨住Anita喺裸模界嘅工作愈嚟愈繁重，從小便希望成為鋼琴教師嘅佢，回歸音樂嘅心便愈嚟愈強烈。正當佢處於事業高峰之際，喺去年8月Anita突然宣布暫別裸模界，決定回歸學園教鋼琴及樂理。當時呢個決定令唔少男士大嘆可惜，縱然如此仍改變唔到佢嘅決定。不過話雖如此，但奇怪嘅地方在於至今仍然有唔少Anita嘅新寫真相集推出，究竟呢啲作品係佢暫退之前影落，定係預示佢將會重返裸模界呢？一切要大家拭目以待喇！
撰文：魂