日本AV界最鍾意就係跟風，見到邊個女星當紅，即刻搵個同佢生得似樣嘅女優扮成A貨演出。另一方面，有電影、漫畫、電視劇好口碑，AV界亦唔會放過抄橋，最近有部人氣漫畫更被拍成AV添！
講到創意，日本AV界真係大把貨賣，好似老牌廠桃太郎映像就創作出真性中出、醉後交歡以及三穴同時發射嘅玩法。而SOD亦同樣創意無限，早年就拍下巨女與小男人作品。不過，AV界亦有跟風嘅時候，例如搵女優扮AKB48成員盛極一時，亦有AV廠試過搵鬼妹女優扮Lady GaGa，當然仲有抄電視劇橋段，例如一度紅爆電視界嘅《女管家三田》。另一方面，漫畫亦成為AV廠拍片嘅故事藍本，所以大家不難見到Cosplay系列。AV廠Moodyz近年更不時與同人漫畫家合作，將其充滿邪念嘅漫畫作品拍成真人版三仔。不過，今次SOD仲厲害，將一本人氣漫畫拍成AV作品。
話說最近SOD有一部重頭巨製，碟名叫《醫界風雲THE AV》，故事講述一班年輕又有抱負嘅新紮醫生，喺一間入面只得全裸女護士嘅醫院工作，情節當然充滿激情啦！《醫界風雲》係一部人氣漫畫，點解佢可以將個名一字不漏咁套用到AV作品當中呢？醫務人員不嬲都係SOD相當鍾意嘅題材，咁啱《醫界風雲》呢本漫畫相當具人氣，亦曾經改編成為電視劇，最重要就係作者佐藤秀峰於上年喺社交網上宣布，允許任何人隨意使用呢部漫畫，即係話唔會告人侵犯版權，SOD見如此良機，梗係唔會放過啦！有人預測，如果SOD呢部作品得到成功，相信日後會有好多漫畫家倣效佐藤秀峰嘅做法，務求令旗下漫畫作品有更多唔同層面嘅人認識。
撰文：賢