揼完骨喺大廳休息嘅時候，食嚟食去都係麵或餐蛋治，真係有啲悶，而前兩日上帝濠桑拿揼骨，由於收工後就趕船過嚟，個肚一坐低就咕咕聲，於是問主任有啲乜食？但話明唔要麵或餐蛋治。主任話可以試吓佢哋嘅鮮炸雲吞，一諗濕嘅雲吞就食得多，炸得香香脆脆嘅就冇乜試過，於是就叫咗客嚟試吓。五分鐘唔使，一碟香噴噴、熱辣辣嘅鮮炸雲吞就出現眼前，於是急不及待試食，但發覺旁邊冇酸辣醬，換嚟嘅只有一碟沙律醬同埋番茄醬，侍應教我自行混醬，味道會更好。冇辦法！入鄉隨俗，混好醬後點嚟食，發覺醬汁味道非常特別，同樣酸酸甜甜，十分易入口，加上雲吞炸得又香又脆，裏面嘅蝦肉餡料食落鮮甜美味，可惜一碟三隻，由於係免費小食，只限一人一份，最後都係要整個麵嚟塞飽個肚。