由運動員轉戰娛樂圈都有唔少人，好似香港嘅泳將方力申，同埋內地跳水王子田亮，佢哋發展都算唔錯，但都係男明星，而女將方面就好似唔係咁多成功例子，今日一於介紹一個，就係嚟自吉林嘅裴啟玉。
裴啟玉自小就好動，所以讀書都讀體育大學，但主修表演系，佢除咗係一名運動健將外，仲係一名演而優則唱嘅全能藝人，啟玉嘅運動項目都幾全面，佢最先係玩健美運動，之後就參加籃球賽嘅啦啦隊，之後就玩埋街舞，近年更做埋美式桌球手，而且唔係玩玩吓，每項都參加過比賽，而且攞到不錯嘅成績。裴啟玉除咗體育全能，佢演藝方面亦一樣多才多藝，好似唱歌跳舞，就絕對難佢唔倒，舊年更被唱片公司睇中，簽佢加入一個女子組合，希望佢做出更好嘅成績。
裴啟玉除咗係運動員、演員、歌手之外，仲係一個實力派模特兒，由於外形硬朗，一啲少女系嘅造型就唔係咁啱佢，相反一啲深沉冷艷嘅角色，就開正佢嗰瓣，所以拍親廣告都係啲高消費物品，例如汽車、遊艇、高級家具等，裴啟玉一企出嚟就壓得住場，唔會畀商品搶晒風頭。裴啟玉身材出眾，攝影師當然會善加利用，一對42吋美腿，加上纖腰翹臀，仲有佢心口一對秘密武器，令照片經常呈現出女性嘅完美曲線，少啲定力嘅男士都會把持不住，所以奉勸裴啟玉，家陣雖然工作好忙，但都要拍多啲性感寫真，咁粉絲們至會對你不離不棄，人氣高升！
出生地：吉林長春
三圍：35-24-36
身高：168cm
撰文：龍四海