家陣去親澳門，巴打嘅指定動作就係食自助餐，只係飽食過後總想搵個地方坐一坐兼夾歎番杯酒，而威士忌則係唔少男士嘅至愛。如果閣下亦係威士忌粉絲嘅話，就要去呢間位於自助餐廳隔籬嘅品味吧。酒吧打正旗號主供威士忌，而佢嘅種類繁多，各大品牌嘅威士忌當然喺名單之內，一啲較為少見嘅都有，不論鍾意乜嘢味道嘅威士忌，總有一種可以滿足到你。當然，如果並非威士忌捧場客，場中亦有唔少雞尾酒可供選擇，濃或淡任君選擇。不過巴打卻鍾意呢度嘅露天梳化位，既可以享受迷人夜色，又可飽覽新口岸嘅夜景，邊享受仲夏夜，邊跟老友輕嘗淺酌，真係何其疏肝！