喺香港演出三級片嘅女星雖然能夠爭取人氣，但卻被認為難登大雅之堂，故此演得幾激情都好，頒獎典禮一定冇該片以及脫星嘅蹤影。之不過，喺外國就唔同，好多女星拍完情慾場面都可以升上神枱，更有機會獲獎，荷爾芭莉就係其中之一，而佢就憑《孽愛傷痕》成為奧斯卡最佳女主角嘅首位黑人女星。
《孽》片故事發生喺美國一個南方小鎮，同其他小鎮冇乜分別，但係種族主義濃厚。男主角漢克一家三代就係生長於此，而佢哋三代都係獄警。某次，漢克收到「柯打」，為一個叫做羅倫斯嘅黑人囚犯執行死刑，漢克為咗令阿仔辛尼由膽小怕事變成勇敢嘅大丈夫，於是就叫辛尼郁手。點知個衰仔臨陣退縮，恨鐵不成鋼嘅漢克就即場打咗佢一鑊，混亂之中，辛尼居然吞槍自殺。面對喪子之痛，漢克真係傷心無比。及後，漢克就喺餐廳遇上貌美嘅黑人女服務員蕾莎（荷爾芭莉飾演），繼而展開交往。蕾莎育有一個患有暴食症嘅兒子，而佢老公最近經歷11年監禁之後，由於冇錢請律師上訴，最後都要接受極刑，後來漢克至知道其丈夫正係佢之前處決嘅羅倫斯。
蕾莎面對呢個殺夫兇手，本有幾分恨意，至於漢克做咗幾十年種族主義者，家陣又愛上呢個黑人女人，大家嘅心情複雜無比，認真愛恨交纏。二人嘅關係亦令佢哋各自家庭產生極大震盪。本作劇情講述種族矛盾以及親情，其實相當正經，可能令大家睇得幾悶。不過，當中荷爾芭莉同男主角有一段長達十幾分鐘嘅床戰，絕對精彩非常。當年嘅荷爾芭莉省鏡又好身材，火辣程度爆晒燈，而佢演床戲嘅時候仲相當投入，反應做到足。至於男主角亦唔輸蝕，前戲先嚟場口交，再同荷爾芭莉換上多個不同體位激戰，大膽程度拍得住四仔。