多得互聯網，家陣除咗睇鹹嘢方便，原來做脫星甚至拍四仔都得呀！以一站式綜合脫星Twitter留言而起朵嘅PornStarTweet.com規模愈玩愈大，今期仲開多個網站叫FAN FUND XXX，提供一個網上平台畀全球網友集資搞「色情企劃」。條件非常簡單，有心集資嘅朋友只要將個人計劃掟上網，就可以開始集資，官方仲話冇任何規限可言，不論業界人士或有志成為脫星、四仔導演、製作人甚或情趣用品生產商都可以。至於金額由集資者自己決定，網站只會收取總金額嘅一成作為手續費，舉例，你想籌港幣10萬元拍四仔，佢就抽你1萬元手續費。家陣官方已批咗首個企劃名叫「Restore the 1962 Porn Star Tweet Trailer」，想知講乜？自己上去(目及)(目及)啦！