最近日本AV界又有新搞作，舉辦咗一個極具創意嘅攝影會，請嚟4位人氣AV女優做Model，佢哋除咗喺台上搔首弄姿外，仲大玩Cosplay誘惑，真係好吸引呀！
近期本地同台灣都興起攝影會，呢類活動通常係由民間龍友團體發起，大家齊齊夾錢請嫩模畀龍友圍住嚟影，另外商業性嘅攝影會亦愈來愈多，無他嘅，班龍友咁有錢，梗係有單位搵來大班嫩模甚至係AV女優吸佢哋嘅財氣啦！其實呢類攝影會喺日本已經出現多年，仲愈來愈具規模，好多定期舉行嘅攝影會至少都會請到4、5個水着妹或者AV女優做模特兒。一個叫Romket嘅網站亦係主辦攝影會嘅單位，主要玩Cosplay攝影，最近佢同AV女優事務所嘅附屬網站Senzai.tv聯手搞咗個創新攝影會。當日，有4位人氣AV女優登場，包括奧田咲、知花梅莎、姬野亞由美以及美咲結衣，佢哋不停向參加活動嘅20名龍友搔首弄姿，而單位仲特別擺放一把座地扇吹起女優條裙，大玩露底誘惑。此外，女優以不同Cosplay造型登場，又扮眼鏡娘又扮女僕，讓龍友影得開心又興奮。
睇到呢度，大家可能覺得個攝影會比較普通，以上項目一般攝影會都有得出賣，咁就錯喇！搞到咁大壇嘢，又點會交行貨呢！班女優於活動期間仲會同龍友嚟個角色扮演，例如由龍友扮英雄救美，又或者由女優扮演女王向龍友大肆責罵，雖然同親身與女優拍AV有一段距離，但係亦足以滿足龍友嘅慾望。過程當中，有專業攝影師從旁舉機拍攝短片，然後將之燒成CD或DVD送畀龍友留念，不過呢個項目就要收錢，1至3分鐘嘅片段大概收取3,000日圓，約為二百三十幾元港紙，日本人真係識搵錢，如果大家有興趣，可以Click上網睇吓佢哋下一個攝影會幾時搞。
網址：http://romket.jp/
撰文：賢