擁有完美身材，樣子清秀嘅囡囡，係咪一定可以喺模特兒界走紅呢？未必，因為每年擁有優越條件嘅囡囡實在太多，要殺出血路，闖出名堂，一定要有超凡實力，今日介紹嘅高兮妍，就絕對係實力派嘅新悍將。
嚟自上海嘅高兮妍，細個時十分怕醜，唔係太敢同人接觸，但就喜歡跳舞，於是經常一個人刻苦練習，由於成績優異，順利考入上海戲劇學院主修舞蹈系，呢個時候高兮妍成個人脫胎換骨，唔只敢同人接觸，還敢於表現自己。高兮妍除咗舞術精湛，演技亦十分了得，畢業後半隻腳做模特兒，半隻腳就做演員，幾年間就參與多部影視作品演出，無論大小角色都恰如其分，交出不俗嘅成績，所以喺演藝界嘅新人中，算係生力軍中嘅一員悍將，至於喺模特兒界，佢嘅表現就更出色，一口氣拍過多個廣告，更成為多本時尚雜誌嘅御用模特兒添！
又難怪高兮妍咁受歡迎，事關佢五官標致，輪廓分明，可塑性甚高，扮高貴典雅嘅得，扮時尚豪邁嘅亦可以，出道時便有「小蔡少芬」之稱，加上擁有無敵三圍，上圍更達35吋，拍攝性感寫真時，一對導彈經常橫空出現，真係令人目瞪口呆，鼻血長流，所以佢嘅性感寫真點擊同轉貼率特別高，一有新寫真出現，就會被網友第一時間轉發。近年高兮妍雖然上咗位，被多本時尚雜誌招為御用模特兒，但好彩廣告商忘不了佢嘅完美身材，經常搵佢拍泳衣廣告，我哋至不斷有阿妹嘅寫真欣賞。兮妍請加油，千其咪畀佢停呀！
簡介：喺呢個網站裏面收錄咗多輯高兮妍嘅火辣寫真，有幾輯仲係獨家嘅添，所以真係要登入去瀏覽一下！
網址：www.moko.cc/fbab75658a804afdbac894e7d2bc8c74
出生地：上海
三圍：35-24-35
身高：165cm
撰文：龍四海