日本男士嘅性幻想真係豐富，繼之前鍾情長髮女、孖辮妹，認為髮型可以勾起無比嘅幻想後，家陣佢哋又有新寵，就係斜孭袋！有乜嘢關係呢？原來近年日本女性興孭斜孭袋出街，加上依家夏日炎炎，女士T恤特別薄，孭住斜孭袋時，斜帶就會啱啱好卡咗喺雙子峰中間，無形中令到雙峰更為突出，從而產生激凸嘅誘人效果，而日本稱呢個斜帶所產生嘅效果做「Paisura」。呢種風氣唔單止吸引咗一班男同好喺網上熱議，更有出版社睇中呢個商機，推出以「Paisura」為主題嘅寫真集，不但喺全國掀起搶購風，就連一眾水着女優都不甘人後，紛紛推出相關嘅寫真集添！
撰文：魂
江蘇有間大型夜場，舉行咗一場別開生面嘅幫客人洗車活動。特別嘅地方，就係負責洗車嘅唔係大嬸阿叔，而係一個個18歲卜卜脆嘅美女，仲係以比堅尼示人。消息一傳出，大把人爭住嚟想畀美女洗洗自己部座駕，由於反應太好，夜場為免得失客人，宣布凡預訂當晚最豪嘅三間大房嘅客人就得此機會，據講每間房最低消費要過萬，但一樣大把人爭住幫襯。當晚三架名車放喺門口，夜場就搵嚟六個比堅尼美女嚟進行洗車，囡囡身材火爆，不時扭動蛇腰，加上洗車時配上強勁音樂，令客人讚不絕口，有時舊瓶新酒真係幾有用o架！
撰文：小德
最近網絡上出現不少「歡迎照」，話說高考放榜，大批學生要搵大學升讀，由於大學要吸引學生報讀，有人就搵學校嘅大師兄同大師姐嚟幫手，叫佢哋高舉「某某大學歡迎你」，「我在某某大學等你」等橫額拍照，然後鋪天蓋地放上網做宣傳，而呢啲所謂師兄師姐，全部都係靚仔靚女，雖然未到型模級數，但都令人嗒得杯落，真係有不少人受到打動，話要去某某大學讀書，但由於事件被炒熱，近期就有很多「偽照」出現，照片中男不帥，女不漂亮，是不是學生也不知道，但就高舉橫額充當代表，呢啲照片遭網友惡評，據講仲影響到學生報讀嘅取向添，校長真多得你哋唔少！
撰文：小德
上月捷克有間大型商場舉辦促銷活動，話凡着內衣嘅客人可獲瘋狂優惠，而頭一百位結帳客人，手中任何兩件商品更可免費。開門營業前，商場外已結集咗過千人排隊，人群中八成都係女性，由於只穿內衣，自然春光乍洩，導致商場附近幾條街都逼滿圍觀途人，記者傳媒亦聞風而至，盡收宣傳之效，睇嚟今次活動十分成功。
撰文：小德