一位朋友曾經接下澳門一間夜總會的化妝工作，最終卻因為自覺無法改變小姐房裏面的制度而放棄了，這位朋友在這個範疇經驗絕對豐富，更曾化過不少名人的妝，搞不定，不是技術問題，而是整個氣氛和制度的問題。「夜總會因為燈光問題，所以囡囡嘅妝有特別要求，雖然依家外面興一啲比較自然嘅妝容，不過我唔可以化得太淡，因為一入卡拉OK房就乜嘢輪廓都唔見晒。」當然，他想把女郎打造得更有時代感。「其實濃妝艷抹都一樣可以新潮，只係……」
他說，基於制度問題，囡囡根本都擠在五、六點時一齊上班，如此一來，即使帶助手到場化妝，因為時間緊迫、人頭眾多，也不可能逐個執靚，最大的問題是，很多囡囡根本不聽話。「我哋呢頭化好，嗰頭出到去佢已經自己動手改，點解咁做？一來班女根本就唔識；二來，佢哋非常保守，以前個妝幫佢搵到錢的話，佢完全唔會畀我哋去改，靚唔靚唔係佢考慮範圍，老唔老利先係重點。」
由於有心無力的情況嚴重，他選擇放棄，澳門囡囡一次造型的改革，宣告失敗。
撰文：黃韋龍