選美冠軍其中一項工作，就係做親善大使，為該地宣揚文化，卻估唔到裸模都有咁嘅作用，講緊嘅係呢位嚟自烏克蘭嘅超級人氣裸模Zlatka Aye。佢嘅夢想就係宣揚烏國嘅美食文化，等大家可以深入了解當地傳統美食。
咪以為做得裸模嘅索女，個個嘅思想都好開放，只要係剝衫嘅工作都任接唔嬲，最重要係價錢啱心水就得。不過今年22歲嘅烏國裸模Zlatka Aye，就同一般嘅裸模有極大分別，事關呢位喺去年先至投身裸模界嘅索女，喺入行前已經同經理人講明佢有三不接，包括：不論係異性定同性嘅鹹片都唔接；唔會出席任何夜場騷；唔會出席任何情趣博覽展。咪以為Zlatka吊高嚟賣懶矜貴，查實咁係同佢傳統嘅性格有關。佢屋企係個大家庭，家中兄弟姊妹人數眾多，生活困苦迫於無奈好早出嚟工作，只可惜學歷唔高，搵錢有限兼幫唔到手養家。Zlatka自問既然人靚又多人讚，便膽粗粗自薦到模特兒公司，從此踏上裸模生涯。雖然願意剝衫，但喺大眾面前剝光豬始終接受唔到，從而提出三不接。
縱然Zlatka要求多，又失去好多宣傳機會，但佢由於天生麗質，唔使點宣傳已經吸引到男士嘅目光。唔出騷又唔拍片，仍然大把宣傳機會，密密登上男士雜誌封面、電台節目專訪兼做客席主持，甚至自己做埋導演拍MV，使乜要搞到去展覽會剝衫咁低莊？不過估唔到呢位烏國索女，佢嘅目的竟非喺娛樂圈闖出名堂，卻銳意喺歐美宣揚烏克蘭嘅傳統美食，並喺餐飲界中創一番事業！原來Zlatka平時好鍾意入廚房，呢個習慣從細細個要照顧屋企人開始，而佢尤愛炮製烏克蘭傳統美食，好似土豆燒牛肉、基輔炸雞、羅宋湯等。Zlatka指大家總以為羅宋湯係俄羅斯嘅傳統食品，呢個觀念其實係錯嘅！查實羅宋湯係烏克蘭嘅標誌性食品，當中最大嘅唔同之處，在於佢哋會用烏國特產紅菜頭喎！索爆嘅阿妹對食物咁有研究，果真係出得廳堂又入得廚房！
雖然Zlatka出道啱啱好一年，但已經比其他喺歐美搵食嘅過江裸模，快一步推出專屬Tumblr。不過，由於Zlatka呢期忙到爆，好耐都冇更新過資料，只係大家唔使擔心，皆因佢表示會盡快處理，可以知道佢嘅近況。
網址：www.tumblr.com/tagged/zlatka-a
出生日期：1991年1月1日
身高：5呎7吋
三圍：35、24、35
撰文：魂