出道短短一年，火速成為模特兒界嘅性感偶像，
還喺好多報章雜誌上分享自己嘅性感秘訣，
呢位年紀小小嘅性感大師，
就係嚟自黑龍江嘅于亞南，
聽個名字好男性化，原來係個嬌滴滴嘅大美女。
由於出道只有一年，有關于亞南嘅資料真係唔多，但網上就有佢嘅多篇專訪，主要都係講扮靚同埋性感嘅心得，睇嚟亞南已成為新一代熱捧嘅性感偶像。又難怪，睇番亞南嘅攝影作品，有一半都係時裝，將少女青春活潑嘅形象，完美呈現，剩低嘅一半作品，全部都係性感寫真，唔係泳衣代言，就係浴室廣告，床上用品嘅都有唔少，全都要佢性感演出，所以亞南嘅作品，唔係着衫就係剝衫。咪睇佢上圍只有34吋，但照片一樣性感到爆晒燈，少啲定力都會令你流晒鼻血，所以被網友同粉絲們封為新一代性感偶像，絕對係實至名歸。
雖然亞南嘅新聞同資料唔多，但如果上佢嘅官方微博，會見到佢每隔幾日就有留言，乜嘢事情都講吓，無論工作或生活上，亞南都會用幽默嘅筆觸寫下，令人閱後會心微笑，但有時又會十分感性，賺人熱淚，睇嚟亞南嘅文筆都唔差，算得上係個才女。既性感又有文采，不如搵老闆投資拍本性感寫真集，然後自己附加圖片說明，相信一定會大賣。至於未來工作，亞南會朝演藝界邁進，前途一定無可限量呀！
簡介：于亞南有一個寫真專屬網站，裏面收錄晒佢出道以來嘅作品，時裝同性感照參半，絕對值得大家瀏覽！
網址：www.moko.cc/yuyanan
撰文：龍四海