唔少人都覺得裝置藝術作品睇極唔明，其實有啲雖然睇落去唔知主題係乜，但只要留心啲嘅話可能會有想入非非嘅大發現！韓國光影藝術家Bohyun Yoon最拿手就係利用光學原理，透過唔同嘅裝置產生令人驚喜嘅影子效果，好似佢最近就以人偶嘅肢體創作出新嘅作品。驟眼嚟睇，呢個由人偶殘肢所造成嘅裝置藝術品都幾得人驚，只係大家將焦點轉到牆上，喺燈光映照下嘅影子時，就發現Bohyun Yoon巧妙咁利用光影技巧，喺牆上投映出唔同嘅男女性愛體位，名副其實係一場影子性愛大雜燴！據佢解釋呢個作品嘅主題，係暗示人類嘅歡愉或性慾，其實係被一種無形力量所操控。