3D複製技術真係愈出愈新奇，好似日本有間公司，以3D造模及精美嘅打印技術，製造出頭部同真人一樣嘅芭比娃娃，日後要做首辦公仔，話都冇咁易，而日本有性玩具生產商，正打呢門技術嘅主意。
話說日本早就推出仿真人偶玩具，質感可以做到同人嘅皮膚一樣，四肢仲可屈可伸，但個樣仲係膠口膠面，但如果利用埋3D複印同造模技術，相信到時會同真人極度相似。家陣做一個3D公仔頭，大約一萬港元，如果做到真人咁大，技術一樣，只係多咗物料費用，可能幾萬蚊左右就搞掂，有網友話咁貴？大家有所不知，家陣一個仿真玩偶都要十萬八萬，如果個個變晒蒼井空或者小澤瑪利亞，你話加多幾萬又有乜所謂，相信呢個技術研發成功，一定大把粉絲爭住排隊搶購！
若然生產AV女優系列，佢哋嘅經理人公司就一定反對，因為涉及肖像權嘅問題。但如果有人只用照片進行複製，當出售時將女優其中嘅名字打個X，話只係人有相似，經理人公司要告財雄勢大嘅生產商侵權都未必夠佢哋嚟，可能只會賠了夫人又折兵，而肖像權目前只適用於平面產品，至於立體產品，仲未有法例管制。有網友就諗得更遠，擔心以後AV公司請唔起一線女優，就用佢哋複製公仔嚟頂替，以假亂真，計我話呢啲嘢，又使乜諗到咁長遠呢！
撰文：小德