對今年畢業嘅大學生嚟講，都會穿起畢業袍留下最具回憶嘅一刻，其中唔少女大學生更以最大膽同誇張嘅畢業袍造型影相，只係講到最爆畢業相，則要數呢位女大學生！露半球、露玉背兼露股嘅畢業相，甫喺內地網站度一出，即刻被大家公認為「最大膽畢業照」！據稱呢位女主角叫做王米迪，嚟自河南大學，係今年嘅大學畢業生，而憑住呢張火辣畢業相，王米迪即刻紅遍內地。雖然上載者好快刪除呢種辣相，但已經吸引到唔少網民留言，甚至有網民喺呢個時候上載據報係女主角嘅正面相。姑勿論佢真身係點，單係呢張畢業相就已經令人產生好多嘅幻想。
撰文：魂
日前江西省九江市有間金行開業，老闆搵嚟美女模特兒嚟行騷，吸引不少媒禮嘅眼光，原來老闆特別用950克黃金，打造一套「黃金內衣」畀模特兒着上，據講呢套內衣係搵嚟四位老工匠，花咗半年時間以手工打造，內衣上龍鳳圖案栩栩如生。網友話美中不足就係模特兒一來唔係太靚女，注目度大減，二來身材唔夠火爆，上圍更有啲「撐」唔起套內衣，令宣傳失色，若然好似車展咁請啲裸模嚟着上，宣傳效果會更大，但到時「黃金內衣」亦會畀囡囡搶晒風頭，所以魚與熊掌，難以兼得！
撰文：小德
早前安徽省舉辦咗第三屆國際胸模大賽，經過多輪初賽，最後十二位佳麗殺入總決賽，爭奪68萬元獎金，但睇清楚啲，原來68萬唔係現金獎，而係美容中心送出嘅「整形基金」，即係得獎嘅冠軍佳麗要去整形至用得，有網友就話選到冠軍仲使乜去整，擺明係「焗人」做宣傳大使！但又有網友話入選佳麗當中真係有大半要去整整佢，樣唔夠靚都算，事關係選「胸模」，真係有唔少「A」級選手，你話唔整整佢真係唔掂。最後由2012年第四屆安徽電視汽車模特兒大賽中獲得總冠軍嘅兔小美，以大熱門奪得冠軍，人靚身材又好嘅小美應該唔使動用基金，有人建議佢以半價讓比其他佳麗套現，不失為一個好方法！
撰文：小德
之前端午節，內地有位巨乳女歌星蘇梓玲，為咗應節竟將自己用糉葉包住重要部位，然後影咗輯超性感寫真，呢輯相一曝光，即時引起哄動，事關梓玲雙乳實在太大，小小嘅一片葉，根本無法將巨乳包住，而相片最鬼馬嘅地方，就係拍到好似走光咁樣，飛晒釘出嚟，但當大家下載照片喺電腦上放大再放大時，就發現原本飛釘嘅地方，竟然不翼而飛，原來梓玲老早就打晒底，飛釘位置早就貼咗大乳貼。雖然係咁，但網友都下載晒成輯相，放大嚟逐幅研究，而且梓玲嘅艷照新聞，更傳到去日本，喺當地嘅網絡廣泛流傳。
撰文：小德