每次睇完晚間新聞，小弟都依然會眷戀住部電視機，唔係等睇深夜重播劇集，而係睇播在佢之前嘅天氣報告，因為天氣女郎個個都甜美可人，把聲亦相當迷人。至於日本呢一方面亦唔輸蝕，好似麻倉麻奈咁就係一個又省鏡又好身材嘅天氣女郎喇！
日本AV界不時會拍些惡搞作品，例如搵AV女優扮演新聞女主播或天氣女郎，一邊報道新聞一邊則要接受男優從旁性騷擾，甚至要一邊交歡一邊報道。不過，呢類作品我一啲都唔欣賞，因為AV女優就算點化妝點打扮都好，亦難以掩飾面上嘅撈味，絕對唔似正宗女主播咁端莊咁純潔，如果大家將麻倉麻奈同班AV女優對比一下，就可以分別得出喇。23歲嘅麻奈斯文大方，形象純潔，同時不失甜美同青春感覺，實在人見人愛，娶佢做老婆，肯定持家有道又唔會冇情趣。麻倉嘅面孔吸引，身材同樣惹人好感。身高5呎5吋，擁有33-23-34嘅三圍，雖然唔係好起眼，但係由於佢身材冇膩肉，胴體望上去相當苗條兼夾健美，唔使親手測試都知彈手到震。
麻奈於小學二年級嘅時候，就因為父親要到海外工作，所以舉家搬到南非居住，而阿妹就喺呢段約四年嘅時間，學習到一口流利英文，亦因而造就佢日後順利獲得天氣女郎嘅工作機會喇。麻奈佢回流到日本之後，繼續學業，到佢喺駒澤大學畢業之後就被藝人事務所發掘，喺2011年更勇闖電影界，成為電影《我們不能改變世界》以及《梅麗先生的電話》嘅其中一位演員。後來，麻奈知道資訊性節目《PON！》 招請天氣女郎，於是膽粗粗去應徵。可能因為節目當中需要工作人員接收外國資訊，而英文有番咁上下嘅麻奈就順利跑出喇，後來更加獲安排同另外兩位天氣女郎西田有沙同小林由，組成天氣女郎組合「threeP-su」，實行又唱又跳，更顯出阿妹多方面嘅演藝才華。
無論工作定係閒餘活動，麻倉麻奈都會將當中拍低嘅照片放上博客，想了解更多阿妹嘅生活狀況，可以Click上去睇睇。
網址：http://ameblo.jp/mina-asakura/
年齡：23歲
身高：5呎5呎
三圍：33-23-34
撰文：賢