酒雖然被視為穿腸毒物，但係喺適當嘅時候、適當嘅環境飲用適量嘅酒，卻可收放鬆身心之效。不過，要做到呢點對唔少人嚟講的確有難度，好似遠野千夏咁，雖然已經24歲，但係依然因為飲酒招惹是非。
日本除咗水着妹出名，賽車女郎一樣譽滿亞洲，無他嘅，佢哋美貌過人，身材高挑纖巧，稍稍暴露一雙長腿就已經迷死身邊所有男人，再輕輕彎低身展露驚人嘅曲線美，以及圓潤彈手嘅玉臀，更加有能力殺死人。唔信咩？就等遠野千夏出手啦！今年24歲嘅千夏擁有標致五官，青春可愛得嚟又有女人味，水汪汪嘅雙眼仲流露出一種楚楚可憐嘅感覺，個人覺得佢仲有少少似曾經橫行水着界嘅萌系美少女小倉優子添。不過，講到身材千夏就比優子好得多，因為身高5呎5吋，配埋33D-23-34嘅三圍認真婀娜多姿，特別係佢用柔軟腰肢翹一翹其飽滿、結實又堅挺嘅靚股之時，更加帶出令人熱血沸騰嘅股惑滋味，如果叫佢做新一代美尻女王都絕對唔過分。
可能因為阿妹早就知道自己夠晒索，所以讀高中二年級嘅時候，從雜誌見到有關事務所招聘資料，就毫不猶豫咁將履歷表寄到該事務所，果然一擊即中，事務所好快就聯絡佢簽約為模特兒。千夏出道初期以出席攝影會以及擔任賽車女郎為主，後來才拍水着寫真同DVD。之後，千夏就由事務所推薦參加選美活動以催谷人氣，例如係SUPER GT「Calsonic Lady 2008」，上年阿妹更加贏得日本Miss雜誌嘅「Miss FLASH 2012」冠軍。唔知係咪千夏參加活動都有好成績，習慣咗飲兩杯慶祝，搞到不時因為飲酒而惹是非。今年千夏去到峇里拍寫真DVD嘅時候，拍攝完畢就同工作人員喺酒店房入面豪情暢飲，因此就惹起佢酒後同工作人員鬼混嘅緋聞喇！
遠野千夏好鍾意自拍，成日將拍水着寫真時嘅情況拍下，之後再放上博客，Click入去一定見到阿妹嘅性感照，保證唔會令你失望。
網址：http://ameblo.jp/chika-tono/
年齡：24歲
身高：5呎5吋
三圍：33D-23-34
撰文：賢