今期美國四仔界有單無謂爭拗，事緣熟到爆炸、今年48歲仲落場砌嘅脫星Amber Lynn，喺網上電台主持「清鹹」節目，據聞最近一次錄得185,000位聽眾收聽。查實外界都冇乜反應，點知引嚟富二代前男優兼片廠老闆Rob Black炮轟Amber篤數，仲話若然真係有咁多聽眾，佢即刻食一篤新鮮熱辣嘅「米田共」喎！點解Rob哥會咁o架呢？皆因佢喺同一個網上電台有主持節目囉！呢位大哥現已退役，但喺四仔界有錢有面，曾有「Bad Boy」男優之稱，砌盡天下女係佢人生目的，講鹹嘢係佢嗜好，點知佢嘅聽眾愈嚟愈少，咪好火滾囉！坦白講，Rob哥收檔咁多年，呢一代嘅四仔迷又點會識佢吖！