囡囡事必白滑先叫好？裸模Arabella Drummond用身體證明唔係！阿妹未出道就紋身紋到上頸，食煙飲酒爛蒲乜都齊，阿妹話佢嘅性格索過外表喎！
飲酒爛蒲唔係問題，對脫模嚟講仲有着數添，事關粉絲會幻想多個機會零距離接觸，話唔定仲有下文添！幻想吓好喇，事關Arabella一啲都唔好惹，熱愛搖滾音樂嘅佢自小想夾Band做主音，不過玩咗幾年樂隊就各散東西，之後阿妹亦無心向學，憑住有幾分姿色就學人去做Model，但礙於佢身上有太多紋身，所以工作量多極有限。一直渾噩到2009年，阿妹決定向大銀幕發展，於是就參加Page 3 Girl選舉，憑住天然32C-24-34靚偈砌低唔少姊妹，雖然最終攞唔到任何獎項，但因為辣妹形象太過突出，令男人留下深刻印象。難怪完咗選舉後，Arabella繼續可以喺裸模界搵食。
有雜誌曾問阿妹係咪因潮流而鍾意紋身，同時仲要紋到上頸，佢反笑對方膚淺，仲話紋身係一種藝術，即使同一個紋身紋於不同人身上，表達出嚟嘅感覺都唔會一樣，阿妹認為自己不但識得欣賞藝術，更係一個分享藝術嘅人喎！
加入脫模界後嘅Arabella並冇跟遊戲規則玩，繼續我行我素。佢嘅紋身亦愈嚟愈誇，由頸嘅「魚網」，到全隻右臂嘅「裸女」、再到腰背，家陣連咪咪嘅北面都紋咗對「翼」，加埋佢對乳環，再咁落去，睇怕連下半身都冇忽好肉囉！
Arabella妹覺得現今嘅裸模好似倒模咁，完全冇個人性格可言，所以討厭大堆頭影合照，又抗拒形象不同嘅姊妹同台演出，因此多年嚟有Arabella出現嘅雜誌寫真，通常都只有佢一個，又或係同樣紋晒身嘅囡囡，而阿妹出現得最多就係英國FRONT Magazine，每個月更喺雜誌內有專欄，直到坐穩裸模界後，阿妹又走向紋身雜誌及車書雜誌發展，真係羨慕死不少同行呀！
簡介：Arabella Drummond冇學前輩咁上電視電台做主持搵銀，反而集中喺裸模事業，難怪佢開個網站一味靠剝，阿妹話希望外界欣賞佢波哋同時，仲要睇埋佢嘅紋身喎！
網址：http://arabelladrummond.com/
出生日期：1987年7月4日
三 圍：32C-24-34
身 高：5呎5吋
撰文：祖