西安曲江國際會議展覽中心，舉辦第五屆性博覽，展覽會可不可以成功，取決於大會有冇能力吸引大量客流。今年佢哋冇請日本AV女優，但請嚟泰國人妖傾力演出，當然冇AV女優咁吸引，但近年內地有股泰國熱，所以人妖騷亦具一定號召力。此外，性感內衣騷一場接一場，更由場內走到場外，自然引來大量途人圍觀。有網友評論全場最出位嘅，竟然唔係真人騷，而係嚟自陝西嘅剪紙藝術，大會請嚟專家用傳統剪紙技術，製作咗數十張春宮圖，內容大膽，不少仲出現性器嘅模樣，令不少人停步一看再看，亦證明唔只人妖騷至係票房保證。
撰文：小德