寫兩性攻略嘅作者，唔係醫生就係心理學家，但今日介紹嘅作者，佢竟係位理科講師，可以話完全九唔搭八，呢位咁另類嘅兩性作家，名字叫郭慶堂，據網上介紹佢係位電子廠廠長、科技雜誌嘅專欄作家，更係技術學院嘅講師，但因為天生多情，閱女無數，於是出書分享心得，書名就叫做《完美性愛自學手冊》。宣傳上講「不解決性的糾結，幸福就沒有品質」，仲有句係「別做床上那條死魚，讓你的情感第二次發育」，係咪好吸引呢？話明係性愛自學手冊，交合之道自然分析詳細，中西方觀點都有交代，例如九淺一深之術就令人大開眼界，但最矚目嘅係最後部分，作者教大家如何回神再戰。縱觀以外行人寫兩性圖書，言簡意賅，值得捧場。