近日天氣雖然好熱，但係面對咁燦爛嘅陽光，心情又真係開朗又奔放，好想同女伴去海灘享受一下，亦令我想起日本AV界嘅南之國系列。呢個系列拍攝地點位於沖繩，該處充滿熱帶風情，男女優於海灘上席地而戰，伴住優美海景與陽光，令作品刺激度爆晒燈。不過，原來港片當中亦有類似南之國系列喎，呢套就係《一半海水 一半火焰》喇。
《一》片故事講述，王耀（廖凡飾演）係一個靠敲詐妓女維生嘅蠱惑仔，某日，佢去到一間酒吧生事，最後畀一名黑幫頭目同其手下打到不省人事。當佢稍稍醒過嚟嘅時候，就見到酒吧女公關麗川（莫小奇飾演）照顧佢，由此發生糾纏不清嘅關係。二人好快就由初戀變成熱戀，外出嘅時候，更加情到濃時即場打野戰。後來，王耀對麗川漸漸生起強烈嘅佔有欲，仲將佢當成生財工具，利用麗川勾引男人再捉黃腳雞進行敲詐。另一方面，王耀經常背住麗川偷食，令麗川相當怨恨。一日，當麗川向王耀表示自己有咗餡，王耀卻對佢不瞅不睬，心灰意冷嘅麗川於是去墮胎，輾轉之後仲嫁咗畀王耀個死黨。此時，王耀因敲詐罪入獄，坐監八年之後，始知道麗川割脈自殺身亡。最後，傷心嘅王耀就帶住麗川嘅骨灰消失得無影無蹤。
本片故事一般，最可觀都係王耀同麗川喺海灘嘅一場肉搏戲。扮演王耀嘅廖凡黑黑實實又粗獷都幾似日本某幾個AV男優，而莫小奇身材又好到不得了，二人打野戰嘅時候激情滿載，拍得住日本AV界南之國系列，所以我幾時都話內地女星冇得頂，有樣有身材有演技又夠搏，香港班姐仔真係行埋一邊。
撰文：賢