揼完個骨兼梳乎完後，固然係精神爽利，若然呢個時候再嗒番杯冰凍啤酒嘅話，更係令精神為之一振！不過同老友把酒言歡雖然開心，只係齋飲卻未免太過單調，如果有送酒小食咬下嘅話，你話幾咁過癮呢？講到送酒小食，就一定唔可以唔試呢個送酒孖寶椒鹽雞翼同埋香炸雲吞。咪以為呢兩樣嘢好似好簡單，想做到令人回味又唔會過鹹，真係好考工夫。鮮味嘅雞翼醃得相當入味，香味撲鼻得嚟又唔會覺得勁鹹，味道調校得啱啱好，最重要係皮脆內嫩肉汁豐富。至於炸雲吞更係值得一試，香脆得嚟又唔係一味得個乾字，裏面嘅鮮蝦餡相當有質感，伴以甜酸醬更覺開胃。其實，不論係咪用嚟送酒，都覺得相當吸引！撰文：魂