現今裸模有咁多，想出位嘅話單靠樣靚身材正係唔夠，最重要就係搵到一個方法，可以喺芸芸裸模中突出自己。人氣裸模Ancilla Tilia就深明此道，出道冇耐即以膠氣女王姿態示人，不但成功得到男士嘅歡心，而憑住超高嘅人氣，更令佢登上事業嘅巔峰。
今年28歲嘅荷蘭裸模Ancilla Tilia，早喺2004年時已兼職從事裸模工作，之前佢先後喺荷蘭鹿特丹嘅一間健身中心工作，並做過餐廳侍應，及後被一位攝影師嘅發現，並幫佢影咗一輯寫真，將佢推薦畀美國著名男士雜誌Playboy。雖然Ancilla從此頻頻喺成人雜誌度亮相，但一直視裸模為兼職工作，及至2011年被經理人公司邀請到美國發展，至正式宣告出道。不過Ancilla喺美國嘅人氣並唔算太高，咁啱呢個時候接到拍攝一輯緊身乳膠衫嘅模特兒工作，對美國男士文化相當熟悉嘅佢知道憑住自己多年健身玲瓏浮凸嘅身材，一定可以一舉成名，結果一如所料，自呢輯寫真推出後，佢嘅人氣即時飆升！
Ancilla取得成功後，相當有生意頭腦嘅佢即涉足乳膠緊身衫、緊身胸圍、高踭鞋及絲襪等，同戀物癖嘅相關服裝行業，實行以自己嘅形象推出個人品牌。除咗做生意外，Ancilla亦不忘多元化外展，佢先喺荷蘭阿姆斯特丹嘅戲劇學院，修讀為期半年嘅演技訓練，為其未來演藝事業鋪路，又密密接廣告拍攝工作兼做埋代言人。此外，Ancilla更走入公仔箱成為一個啤牌遊戲節目嘅客席主持，並且喺美國男士雜誌《FHM》撰寫專欄，不但能凸顯出佢內外兼備嘅才能，更令佢嘅形象得到提升。Ancilla不但識得搵銀，閒時更參與慈善工作，原來佢一直致力於素食運動及保衞禽畜業動物權益運動，更活躍於爭取私隱權利及自由。如此多元化嘅發展，加上佢超高嘅人氣，絕非一般裸模咁簡單！
出生日期：1985年7月21日
身高：5呎8吋
三圍：34C、25、38
撰文：魂