好多人都話要識到個成年嘅處女，真係難過搵恐龍，無他嘅，因為家陣嘅女仔冇以前咁保守嘛。不過，日本水着界就有位女優表示，自己想一世都做處女，佢就係山口沙紀喇。
說謊係一種藝術，而呢門藝術要嚟得高深真係唔係個個都可以掌握得到。例如早前女神蒼井空就喺微博話自己依然係處女，我真係不禁發出「呸」一聲，阿姐你拍咗咁多AV都話自己仲係處女？呃鬼咩！但係如果說話係出自山口沙紀個口，我點都會信……一陣咁多。沙紀妹美艷動人，標致嘅面孔可以話係水着界當中最靚，所以當佢2007年出道嘅時候，一度被稱為「史上最高之美女」，最高嘅意思即係指其美艷程度。沙紀除咗靚女之外，身材亦屬一流，33D-23-33嘅胴體纖巧，加上上圍同玉臀亦見豐滿，曲線極之優美。
沙紀喺關西學院大學社會部畢業之後，就透過參加IAAF世界陸上運動會大阪區寶貝選舉而踏足藝能界，之後參加日本雜誌Young Magazine一個選美活動嘅時候，因為美貌驚人，故此得到評審員特別獎。知名度提高之後，沙紀仲成為女子模特兒團體Marine Blue嘅第四代成員，同時亦得到幕前演出機會，例如綜藝節目《排名王國》以及電影《一個人捉迷藏》。沙紀上年有一段時間冇晒消息，好多人都以為佢引退嫁人去，不過阿妹佢好快就現身，話自己只不過係去咗峇里拍最新嘅寫真DVD《愛之深度》，而佢仲表示唔會咁輕易嫁人，話唔定一世做處女喎！大把人要你啦！阿妹你唔使一世守住隻豬咁慘喎！
簡介：山口沙紀不時會將自己拍寫真及其他工作時嘅情況拍下，然後再放上博客，而照片亦拍得幾有格調，龍友可以參詳一下。
網址：http://ameblo.jp/saki-yamaguchi/
年齡：27歲
身高：5呎4吋
三圍：33D-23-33
撰文：賢