宅男天地：香艷學園

日本著名十八禁電玩製作室Yuzu-Soft，繼推出《E × E》、《夏空彼方》、《天神亂漫》等人氣作品後，又有新作推出，就係《天色＊Islenauts》，集魔法、愛情同學園三大元素，配合出色畫功同人設，實在令人期待。

遊戲故事講述男主角鷺之森大學畢業後，一直都搵唔到工作，搞到相當煩惱。有一日，佢突然收到一張神秘邀請信，問佢想唔想到位於空中島嶼嘅女子學園工作，鷺之森即刻應承，卻估唔到呢個空中島嶼，不但保留歐洲中世紀嘅生活，更係個魔法世界。面對突如其來又香艷嘅新生活，鷺之森會點算呢？