日本嘅琦玉縣早前出現一個「剪刀」怪人，搞到人心惶惶，好多少女都唔敢瞓覺。話說第一個受害者，當晚好夢正酣，突然被冰冷嘅金屬物體所驚醒，原來有人潛入佢房間，仲用剪刀剪開佢嘅睡衣，少女自然大叫，怪人即時拔足逃離現場。事後發現，怪人係個小偷，佢入屋偷完嘢，乘機用剪刀剪開熟睡中少女嘅衣服。自此縣內出現多宗少女瞓醒時衣服全被剪爛案件，當地警方大為緊張，布下天羅地網，最終將罪犯逮捕。經警方調查發現，怪人係名宅男，因追看三級成人動畫而欠下大筆費用，於是入屋爆竊，剛巧遇到熟睡中嘅少女，喺強烈好奇心下好想睇睇真人嘅裸體，點知就係咁而失手被擒。
撰文：小德
各位男士見到呢隻毛茸茸嘅公仔時，係咪有種好面善嘅感覺呢？冇錯！呢隻吉祥物公仔就係每位男士必有嘅睾丸，佢個名叫做「睾丸先生」。呢位形態勁像真嘅公仔，係巴西一個公益團體為舉辦一場睾丸癌防治宣傳活動設計出嚟。據呢個團體講，未將佢公諸於世時，擔心唔係咁多人會接受到佢呢個咁出位嘅形象。點知佢喺活動甫登場，即時引嚟不少人哄動，不但大讚佢可愛，更吸引唔少少女攬住佢影相，最令人意外嘅係呢位睾丸先生喺網上爆紅，原來可愛同肉酸真係一線之差呀！
撰文：魂
日本經濟長期低迷，唔少商舖絞盡腦汁諗計催谷生意，就連風俗店都要劈價吸引玩家，好似日本東京嘅風俗浴場咁，呢期不約而同大搞一萬日圓嘅玩法，希望能夠吸引玩家捧場。以往日本嘅風俗浴場，45分鐘嘅情色服務平均起碼要成萬五日圓，約1,170港元先至有得玩，家陣劈價之後，同樣玩法只需一萬日圓即約780港元就可以玩得到，睇番條數真係慳番唔少。有諗頭嘅日本玩家更食住呢個勢，推出萬圓玩家風俗指南網，網羅晒東京及日本東北部，所有推出一萬日圓服務嘅風俗浴場，等玩家可以睇吓有邊間喺左近，夠晒方便之餘，仲可以順便睇埋風俗孃嘅質素先至行動。據唔少風俗店指，萬圓活動暫時會推出到5月底，真係有玩趁手！
撰文：魂
大家一聽到裸照呢個詞語，梗係以為係露三點嘅情色寫真，點知當睇到呢輯裸照時，卻個個都忍唔住大叫冇癮！原來呢輯裸照係由日本著名攝影師Shinichi Maruyama，將1萬張裸模跳舞嘅照片，經過電腦加工合成後所製作出嚟。據呢位攝影師講，佢創作呢啲睇唔到點嘅裸照目的，係希望透過舞蹈員跳舞時嘅動態，展露出裸體嘅動感及美態，而觀賞者從中只會感受到舞者充滿動感嘅胴體，卻唔會睇到佢哋身體嘅重要部位。雖然呢啲裸照充滿藝術味道，但老實講唔係個個人都會從藝術角度嚟欣賞，對好色之徒嚟講，裸照係要睇到三點，如果乜都睇唔到嘅話，又難怪佢哋會話冇癮。
撰文：魂