做人最緊要開開心心，只不過小弟我性格冇咁豁達，好容易心情低落，特別係見到近日咁多天災人禍，又雅安地震，又波士頓恐襲，真係影響心情。幸好，我哋仲有一個天真活潑又開朗，最重要係又靚又好身材嘅美人兒令我哋開心，佢就係水着界傻大姐重盛里美喇！
有美貌唔代表有身材，而兩者即使難得地可以兼得，亦可能有某一樣缺陷，就係智慧稍低。我唔係刻意貶低佢哋，好似重盛里美咁，就自稱為「絕對第一笨蛋」喇！24歲嘅里美斯斯文文，青春可人，樣貌和善又甜美，可謂相當討好。除咗美貌，里美嘅身材亦索得夠自然。身高5呎1吋配合32C-23-32，令阿妹睇落嬌小玲瓏，雖然上圍唔多夠大，但係整體上睇落順眼又自然。亦因為阿妹咁順眼，所以令佢2007年初出道嘅時候，經常有份參與藝能節目《RADIO DE CULTURE》嘅演出，從而成功進身藝能界。
阿妹睇落好似好正常，可惜，智商上卻係有好大問題。里美出道以來，一直都表現出一派傻大姐風格，不過好多人認為佢唔係扮傻，而係真正嘅笨蛋。2008年，阿妹為娛樂節目《娛樂之神》演出嘅時候，居然連份劇本都搞錯，讀台詞又讀錯。另外，2011年嘅時候，藝能節目《What A Cool We Are》邀請到眾多女藝人包括里美進行每年一度嘅考試，科目包括語文、社會、英語等等，結果里美喺20位藝人中排行第尾！打破搞笑女藝人濱口優稱霸11年嘅紀錄，成為「國民榮譽笨蛋」No.1！
近期重盛里美主打演出舞台劇，仲成日將後台實況拍低再放上博客，想睇吓阿妹喺後台搞邊科，可以Click上去睇睇。
網址：http://shigemorisatomi.cocolog-nifty.com/
年齡：24歲
身高：5呎1吋
三圍：32C-23-32
撰文：賢