渡海濠情：醉龍夠特色 囡囡要見識
今日長洲有太平清醮，澳門就有醉龍節，兩者同樣有大批人打鑼打鼓咁巡遊，分別就係香港玩醒獅，澳門呢邊就玩醉龍，仲一邊巡行一邊噴酒，全街酒香撲鼻，而嚟自金池桑拿嘅小莉同小蓮，都話好想去見識吓喎！
酒香飄送
小莉：我覺得呢啲巡遊活動，充滿傳統特色，真係要去體會一下，就算畀太陽曬，畀人逼餐死，都好想去見識吓，因為一定會令我大開眼界。
小蓮：我就冇乜興趣，但有一樣嘢十分吸引我，就係酒，聽講佢哋會準備大量米酒，一邊舞龍，一邊噴酒，成條街都係酒味，令人精神為之一振！
小莉：舞傳統醒獅，好多朋友都識得，好多地方睇得到，但舞醉龍就唔係咁多人識，更加冇乜地方睇得到，所以今日我一定早啲去霸個靚位至得。
小蓮：我就唔會坐定定等睇表演，反而會跟足全場，佢哋一邊噴酒，我就可以一邊索，而且跟得幾跟，佢哋侵埋我玩，咁就可以飲餐飽啦！
意猶未盡
小莉：你咪掛住飲酒吖！據講佢哋班師傅，個個都訓練有素，唔少仲食過夜粥，都係肌肉型猛男，睇表演之餘，仲可以睇吓邊個最Man最大隻！
小蓮：齋睇男人邊有癮o架？計我話Call定啲男朋友出嚟陪我哋一齊睇，睇完騷，飲夠酒，意猶未盡，就可以拉埋佢哋去再飲，飲完仲包有下文添，睇完醉龍仲有「醉蛇」招呼，你話幾爽！
小莉：我邊有你咁多男朋友，何況睇巡遊呢家嘢，我比較喜歡一個人去，坐定定睇又得，逼住睇又得，多個男人話事反而會令興趣大打折扣！
小蓮：咁今日就各自行動，小妹擔心一時間未必搵到男朋友陪，如果大家陣間撞到我一個人，有興趣咪同我一齊玩囉！玩得開心，保證有下文又點話！