美國人氣網上小說家Charlie Evans又有新作，而今次不但係佢拿手嘅間諜小說，裏面更充斥住各種情慾劇情，對鍾意睇動作、懸疑兼情慾嘅讀者嚟講，絕對係唔可以錯過嘅作品！《Agent of Desire》作為Jessica Booker系列嘅頭炮作，理論上例牌先講吓女主角Jessica嘅背景，殊不知作者Charlie卻反其道而行，只係講咗Jessica出位嘅言行同埋賣肉唔使本嘅性格，睇嚟後面嘅情節先至會慢慢透露Jessica不為人知嘅身世。第一集故事主要講述Jessica受訓嘅內容，同埋首次行動嘅經過，點樣同不法商人交易嘅故事。劇情緊湊得嚟情慾同動作場面亦平衡得啱啱好，難怪佢會自資出版，睇得出佢對呢個系列相當有信心。