索女嘅定義有好多，而普遍認為唔單止要有外表，仲要係出得廳堂兼入得廚房。如果用呢個定義嚟睇嘅話，新進裸模Elizabeth Marxs絕對符合呢個標準之餘，佢直率嘅性格更令唔少男士情不自禁愛上佢。
呢位喺2011年出道，美國休斯敦出生，今年22歲嘅裸模Elizabeth Marxs，甫出道便成為美國著名成人雜誌嘅網上女郎。憑住佢驕人嘅雙峰及靚爆鏡嘅樣貌，贏嚟唔少嘅注意，除咗各種裸體寫真工作接踵而嚟，更客串到的士高做舞蹈員同DJ之餘，甚至有機會上台唱歌做兼職歌手，發展果真係順風順水。雖然美其名係歌手，但可惜都只是別人的歌。有記者問到Elizabeth想唱邊種曲風時，她不諱言指想唱金屬類型嘅歌。唔講唔知，原來佢係個金屬狂迷，不但係著名嘅金屬樂隊《Lamb of God》嘅頭號粉絲，更為咗捧偶像場就連工作都唔接，走去Rockstar Mayhem Festival金屬音樂節睇樂隊嘅演出。
雖然Elizabeth表示鍾意音樂多過裸模工作，但性格直率嘅佢卻坦言，正係裸模工作畀到佢賺錢同埋接觸外面世界嘅機會，等佢有本錢發展自己嘅興趣。不過咪睇佢又鍾意玩又鍾意聽金屬音樂，查實佢性格好深閨，平時最愛寫作同埋享受入廚樂。據佢講家陣寫緊本關於自己童年經歷嘅書，而呢本書早喺去年已經動筆，如無意外應該可以喺今年面世。此外，Elizabeth又透露佢願望係擁有一間自己嘅餐廳，每日都可以喺廚房度炮製美食，每次見到食客滿意嘅神情都令佢相當滿足。有人就提出懷疑，事關唔少模特兒都曾表示要開餐廳，最後卻係不了了之，Elizabeth隨即表示，自己以前嘅夢想係做模特兒，家陣已經做到，證明佢有達成夢想嘅毅力，故此餐廳之夢亦唔會放棄。
雖然家陣唔少裸模都鍾意以Twitter嚟溝通，但Elizabeth卻堅持玩面書，事關佢鍾意將平日嘅生活照同好友及粉絲分享，認為咁先至有親切感。如果想知道Elizabeth嘅生活點滴，大家不妨入去睇睇。
網址：facebook.com/pages/Elizabeth-marxs/465982046769038
出生日期：1991年6月13日
身高：5呎6吋
三圍：34D、24、34
撰文：魂