每一種樂器都充滿高深學問，一個音樂家能夠精通多樣樂器，實在相當難得！而日本水着妹柴小聖就精通三種樂器，除咗太鼓之外，長笛、短笛一樣玩得叻！可謂樣貌與吹功兼備。
所謂針冇兩頭利，一個女仔生得靚，身材好多時都係平平無奇，就好似日本AV界嘅蘿莉系女優咁，個樣可愛充滿萌味，一笑就令人暖笠笠，但係佢哋嘅上圍多數都有欠分量。不過，AV界冇巨乳蘿莉啫，唔代表水着界冇，近期人氣勁升嘅柴小聖就係其中之一喇。據資料顯示，柴小聖好早就已經活躍於藝能界，2004年就以現役女子高校生嘅身份，參加Circult Image Galle選美比賽，當時阿妹只係16歲。隨着年齡增長，柴小聖身材愈來愈好，5呎5吋嘅身高配上36-23-34嘅身材真係天衣無縫，胸前嘅巨乳Cup數仲達到G，而佢個樣仲Keep住萌味十足，可愛到震，巨乳蘿莉萬歲！
柴小聖除咗身懷巨乳，仲身懷百般舞藝。阿妹自小就畀阿媽捉去學跳舞，芭蕾舞固然跳得熟練又優美，此外佢仲學得盡顯活力嘅踢撻舞。另一方面，阿妹唱歌同玩樂器都有一手，長笛、短笛同太鼓皆精通，真係多才多藝，亦反映出阿妹屋企對佢愛護有加，栽培用心。可能因為唔希望父母擔心，柴小聖出道以來主要大賣可愛氣質，到2011年，夠23歲女至作水着演出，發放其巨乳魅力。除咗有父母心，阿妹仲好有善心，據講當年日本311大地震嘅時候，柴小聖感到極難過，因此特別推出首隻個人水着DVD《初次見面！小聖是也！》，希望以自己嘅笑容安慰一班受災人士。
柴小聖一得閒就將自己去玩去食，以及演出舞台劇嘅實況拍低，將照片放上博客，有興趣更深入了解小聖嘅生活點滴，可以Click上去睇。
年齡：25歲
身高：5呎5吋
三圍：36G-23-34
撰文：賢