渡海濠情：再造人出招囡囡無法招架
有報道指南韓小姐選舉，全部佳麗一個樣，眼大大、鼻樑挺、下巴尖尖，起初網友仲以為係孖生姊妹齊齊入圍，但後嚟有整容醫生話，當中十居其九都做過整容手術，而嚟自富城會嘅小晴一聽見就極之反感，究竟點解呢？
過去陰影
小晴話：「選美會唔係選靚女嘅咩？如果個個都整容，對於啲天生麗質冇整過容嘅囡囡咪好蝕底，而且家陣個個佳麗仲整到一樣樣，你叫啲評判點選呀？所以咁樣選美一啲都唔公平，就算攞到冠軍，都唔係佢靚爆鏡，只可以講佢嘅手術最成功，所以攞獎嘅唔應該係個囡囡，而應該係個整容醫生，選美大賽亦應改名為『人造美女大賽』，咁樣較為適合。」小晴咁激動，唔通有啲乜嘢陰影？小晴話：「我有個男朋友，就係畀呢啲『再造人』搶走嘅！」
明知都愛
咁大鑊，快啲講嚟聽聽？小晴話：「兩年前我有一個感情好好嘅男朋友，發展到談婚論嫁嘅階段，點知突然殺出個第三者，男友就開始對我疏遠，由每晚一次，到一個月都冇一次，我知道一定有嘢，於是暗中調查，得知出現第三者，囡囡樣子成個明星咁，身材仲十分火爆，心諗唔夠人『揮』，輸得心服口服，後嚟知道佢係『再造人』，我咪搵個衰佬出嚟講數，點知佢話明知係假嘅都鍾意，你話係咪畀佢激死吖！」難怪小晴咁o架啦！
小晴Profile
年齡：21歲
三圍：34-24-35
撰文：小德
攝影：阿程