內地模特兒，除咗樣靚身材好之外，唔少仲十八般武藝樣樣精通，而今日介紹嘅靚女，佢仲好有商業頭腦，貴為文化製作公司嘅董事長，過百人跟佢搵食，真係唔簡單，佢就係嚟自長春嘅「人魚公主」孫敬媛！
點解叫做「人魚公主」？原來孫敬媛自小就好喜歡唱歌跳舞，中學後就考入吉林藝術學院，之後就去北京闖蕩，憑其歌精舞勁，好快得到不少歌迷認同，但一直都係唱別人的歌，直至2011年，推出首張個人EP大碟，叫做「人魚歌姬」，自此一曲成名，所以粉絲們都叫佢做「人魚公主」。咪以為叫做「人魚公主」，就以為佢好識游水，原來啱啱相反，敬媛為拍水中嘅MV鏡頭，捱咗不少苦頭，連工作人員都替佢難過，但總算順利完成，所以成功係要付出，真係一啲都冇錯！但大家又咪以為佢身體好弱，敬媛係個跆拳道高手，有傳佢更出手教訓過一啲鹹豬手添。
話說十六屆北京車展，敬媛被邀做嘉賓，由於低胸禮服實在太性感，竟引人犯罪，個鹹豬手男子未埋到身就被保安制服，被送入後台，傳聞入到後台，敬媛單挑該名男子，最後做唔成豬手，只變咗豬頭離開，當然可能係保安所為，但敬媛能文能武就係鐵一般嘅事實。但最厲害仲係佢組成文化製作公司，培養有潛質嘅演藝精英，無論台前幕後都吸納，搞得有聲有色，仲自己開拍電視劇添，真係一條龍做晒，但敬媛冇忘記本行，做大老闆嘅同時仲不斷接拍性感廣告，佢身材完美，唔拍多啲性感照，真係暴殄天物o架！
簡介：除咗可以欣賞孫敬媛嘅火辣寫真，仲想分享阿妹最新動態，不妨上去睇睇。
網址：weibo.com/xiaoyuer521221
出生地：長春
三圍：35-24-35
身高：166cm
撰文：龍四海