女優專訪：肉彈襲港魅力難擋！

訪港夠熱情

近年，大中華地區成為好多日本AV女優掘金嘅勝地，好似空姐蒼井空咁，家陣就長駐內地搵真銀，又做騷又拍廣告，最近更殺入一隻以三國為題材嘅網絡遊戲，等班機迷打機都可以見到佢。除咗空姐入侵內地，台灣更有單位專門安排AV女優到當地開攝影會，而澳門亦有一年一度嘅亞洲成人博覽邀請AV女優表演，惟獨我哋香港唔多見到AV女優嘅身影，唔通連女優都唔鍾意我哋？非也！4月11日登陸香港嘅三位超人氣AV女優：G奶小天后北川瞳、肉蒲團周防雪子以及妖媚藝能人丘咲亞微梨就話畀大家知：「I love Hong Kong！」

荔枝好滋味

三位女優登陸香港嘅第二日，小記同班兄弟就約咗佢哋做訪問、拍寫真。佢哋三個嬌俏可愛，成日都笑容滿面，真係親切可人，令小記等留下深刻印象。問到三位點解咁開心，佢哋異口同聲表示，香港係一個美好嘅地方，吃喝玩樂都咁多姿多采。問佢哋最鍾意香港乜嘢事物？北川瞳：「香港嘅夜景非常迷人，我最鍾意欣賞香港嘅夜景。」周防雪子：「香港嘅甜品款式多又好味，喺日本完全食唔到呢種味道同感覺。此外，港式奶茶都好好飲，我最鍾意。」小記連隨去買杯凍奶茶畀佢品嘗，雪子一飲就即刻大讚好味，笑逐顏開。而丘咲亞微梨就表示：「最鍾意就係新鮮又好食嘅水果，特別係荔枝同龍眼，喺日本好難搵到。」你又講得啱！下次阿妹嚟香港，我就請你食荔枝啦。

北川瞳玩遊戲輸咗受罰，不過佢完全冇嬲，仲同個西瓜波自拍放上微博。	三位女優表示好高興嚟到香港，仲話下次會再嚟同大家見面！	三位AV女優大玩接波遊戲，北川瞳（中）慘敗！

受罰打屁股

由於三位女優來港以旋風式進行，加上工作排到密密麻麻，所以訪問時間唔多。不過，有幸嘅係佢哋個個都熱情又親切，拍寫真嘅時候要佢哋瞓身倒奶夾胸都絕冇耍手，兼全程配合又表情做足。另外，邀請佢哋抽少少時間玩遊戲，亦樂於答應。遊戲係要佢哋接住由工作人員拋出嚟嘅波波，接到就過關，接唔到就要受罰。唔知係咪北川瞳對G奶實在太大，搞到佢唔夠靈敏，反應一慢就接唔住個波，要接受大懲罰，就係畀丘咲亞微莉打屁股。遊戲時間雖短，但她們玩得好開心，而北川瞳仲相當鍾意小記買番嚟玩遊戲嘅西瓜波仔，即刻同個波仔自拍再放上微博。三位女優除咗拍寫真之外，仲將一隻由三人親筆簽名嘅CD送畀我哋《東方日報》，真係有心！多謝晒！

北川瞳	靚女們離開時，揮手道別。	放大圖片

8月再臨！

今次北川瞳、周防雪子、丘咲亞微梨所贈送嘅CD，係由佢哋所屬嘅AV女優組合PINKEY製作，組合成員仲有大橋未久以及友田彩也香。PINKEY係一個陣容龐大嘅AV女優組合BRW108嘅分支隊伍，上年8月推出首張大碟《LOVE BEAT》，最新大碟《緊張緊張 DOCKIN'》將於5月1日推出。北川瞳、周防雪子、丘咲亞微梨今次訪港主要目的係為BRW108以及PINKEY做宣傳，未來仲計劃喺香港設立BRW108嘅分部添！大家想同佢哋見面仲有機會，因為8月將會再次訪港，到時一定要霸個靚位欣賞佢哋嘅風采喇！

周防雪子Profile

年齡： 24歲

三圍：34-22-34

身高：158cm

丘咲亞微梨Profile

年齡： 21歲

三圍：34-22-34

身高：165cm

北川瞳Profile

年齡： 21歲

三圍：35-22-33

身高：155cm

撰文：賢

攝影：阿昌