根據美國嘅性學家金賽喺上世紀中嘅男性性行為研究中指出，有超過三分之二嘅男士喺一生中曾經嫖妓。不過有美國大學教授卻指出，根據調查顯示，發現2010年時每百位男士中只係14%曾經嫖過妓，而當中只有一個人喺呢一年內畀過錢曳曳。分析結果同金賽喺上世紀嘅分析有相當大嘅出入，咁係同四仔及鹹網興起有關，因為根據佢調查發現，唔少嘅男士都有睇鹹網嘅習慣，當中尤以已婚嘅男士更加有呢個興趣。雖然按呢項研究發現唔係好多美國男士有嫖妓嘅習慣，但佢認為如果從另一方面睇嘅話，則說明色情行業仲有相當大嘅發展空間。
撰文：魂。
最近杭州舉辦健美健身錦標賽，嚟自全國過百名健美男女出席，雲集杭州歌劇院爭逐各項目嘅殊榮，前台幾威猛嘅照片，吸引唔到網友欣賞，相反一輯講述後台嘅照片，就喺網上紅透半邊天，內容係講述運動員喺後台「上色」嘅情況。大家有所不知，上台參加健美比賽，人人嘅膚色都會比較健康，一身古銅色就冇得頂，但北方人皮膚較白，而且正處冬天，佢哋去邊度曬到一身古銅色呢？惟有臨時上色，叫教練替參賽者塗上啡色嘅顏料，但唔知啲顏料係咪「A貨」定係「老翻」，好多參賽者喺半路中途就已經甩色，染到條三角褲一撻撻，認真笑死人，所以後台呢輯「上色」照便成為城中熱話。
撰文：小德
4月4日多個歐洲及南美洲大城市有女權分子裸體示威，聲援早前一位突尼斯女子爭取身體嘅擁有權，參加示威嘅都係年輕囡囡，唔少仲身材出眾，佢哋裸露上胸，當時做採訪嘅記者朋友就開心死，眼睛可以大吃冰淇淋。除咗記者之外，負責維持秩序嘅警察叔叔亦大飽眼福，因為有啲地方係唔可以示威，加上囡囡們袒胸露乳可能觸犯法例，法國巴黎同埋烏克蘭基輔就有警方人員採取行動，將示威者拘捕。
撰文：小德
你話有200個囡囡，又歌又舞行到去巴黎艾菲爾鐵塔面前，將胸圍齊齊解下，然後出力拋上半空，你話何其壯觀，但定眼一望，佢哋個個身上都着住T恤，而且寫上標語，原來佢哋係響應一個關注乳癌組織嘅呼籲，以音樂集會嚟宣傳關注乳癌，但點解要將胸圍拋上半空呢？有網友就解釋，當囡囡患上乳癌，有胸圍都冇用，所以希望大家及早關注，但亦有網友解讀話胸圍日夜包裹住乳房，令人失去對乳房嘅關注，於是齊齊將胸圍丟掉，兩個解釋都幾啱，而大會就話由得大家猜想，唔公布標準答案喎！
撰文：小德