正如我師傅所講，一個人嘅潛在能力好多時需要經歷苦與難才可以爆發出嚟，前日本滑雪板選手今井夢露就話畀大家知，歷劫重生之後，到底可以令人產生幾大魅力喇。25歲嘅夢露出身自運動世家，阿爸係滑雪板教練，大哥亦係一名滑雪板選手，因為耳濡目染，夢露後來亦成為滑雪板選手，更曾經奪得全日本少年滑雪板比賽冠軍大獎，名氣可謂響噹噹。
不過，2006年落選奧運選手代表之後，事業瞬間下滑。咁都未算，夢露期間結過兩次婚，生咗三個小朋友。第二次離婚之後，佢自暴自棄，一度淪落風塵做風俗孃，有一段時間仲要淒涼到要領取最低生活保障金。不過，經歷咁多苦難之後，夢露決定振作起嚟，最近更加執靚個樣同副偈，推出寫真集《Mellow Style》，當中夢露會以性感誘人嘅喱士內衣上陣之外，仲會嚟個全裸演出，不過就用頭髮遮住兩點，雖然係咁亦一樣值得一睇。
售價：HK$262